為何要送求職錦囊比求職者?
求職者轉工錦囊嘅出現，原因係根據我們多年在香港招聘不同崗位嘅經驗而發現多數求職者每次轉工嘅心情都係戰戰兢兢、忐忑不安，對自己份Resume同Cover Letter冇咩信心，唔知道點樣叫寫得好，因而擔心自己嘅Resume無回音、擔心要求薪金會唔會定錯價、擔心冇面試機會、又擔心面試完冇人聘請。
求職者喺市場上搵工轉工從來都好似好被動，因為好多時搵工只單靠招聘廣告上簡短描述嘅工作範圍同要求嘅學歷經驗就send份Resume出去，每一次嘗試都期望得到回音。
當然求職者無可能之前已經好了解間公司，好多人認為最多面試前先了解下公司背景，但事實上除左咁樣碰運氣，求職者係咪冇野可以做呢?
其實因為係咁被動嘅情況之下，求職者係可以藉著手頭上有嘅條件，審視下自己搵工轉工嘅流程，例如心態同文件上嘅準備，究竟係咪已經做到最好? 咩叫最好? 我哋唔敢講我哋嘅意見係最好，但至少我哋嘅求職錦囊比左一套標準你去量測，睇睇你自己嘅準備夠唔夠充足。
有時你見到有一啲人轉工可以愈轉愈好，甚至好似佢揀工去做咁，我地可以話你知唔係運氣咁虛無嘅，其實跟住求職錦囊嘅checkpoint，你都可以做到。
黎緊我哋求職錦囊會有一系列嘅文章，陪你一齊喺搵工轉工嘅路上關關過!
